نون تلی

" نُون تِلی "

داسِ آساره وِ دیر

غله تاریکی شَونِ اِی چی

بافِه بافه دَمِ اَو ناد هنون

گَل گَل آساره نهاد،کِنکِ نورِ وِ سر

خرسِ گَپ مینِ نِسَه،

بَنِه یِ بافه بِزَیده وِ بغل

دَشتِ شَو وید دِرَو

پاخِه پاخه وِ مِنِ خَرمنِ اَو

گامهی،گای بُنی

پَرِیون،کُوسه وُ ماهیِ وِ دَو

خَرمنِ شَو کَه وُ دُون

کَه کِلورانِ اِزَیدن وا یَک

بَزگَرِ مال زِمَند

داسِ کُفتِ وِ زِمین

زُونیِ غَم بِگِرِیده وِ بغل

هَی نیره وا تَز

حاصلِ کارِ هُو اَرباو اِبُورد

کَل کَل وُ کُوزر وُ تَه خَرمنِ هِشته سی یُو

#خرم_سعیدی زمستان ۹۸

نوع مطلب :
برچسب ها : شعر بختیاری خرم سعید، شعر لری بختیاری، شعر نیمایی بختیاری، شعر نیمایی لری، شعر بختیاری خرم سعیدی،
لینک های مرتبط :